uriola.eus

Arratoiak hiltzeko kanpaina egingo dute Errekalden

  Oharrak  Errekalde

Apirilean eta maiatzean arratoiak hiltzeko udaberriko kanpaina egiten dabil Udala Bilboko barruti guztietan. Oraingoan Errekaldeko barrutiaren txanda izango da.

7. barrutian (Errekalde), arratoiak hiltzeko lanak maiatzaren 11an, 12an, 15ean eta 16an egingo dira, Ametzola, Iralabarri, Errekaldeberri-Larraskitu, Uretamendi eta Iturrigorri-Peñascalen.

Aholku praktikoak

Osasun eta Kontsumo Sailak honako aholkuak ematen dizkie herritarrei arratoiak ez ugaritzeko:

• Ez bota zaborrik kale, parke, orube eta beste zonaldeetara (patioak, lorategiak…). Bota elikagaiak zakarrontzietara eta edukiontzietara.

• Ez eman janaririk jaberik ez duten animaliei (katuak, usoak,…) arratoientzako elikagai bilaka daiteke-eta!

• Zaborra poltsa itxietan bota dagokion edukiontzira. Errespetatu ezarritako ordutegiak. Ez utzi zaborrik zakarrontzien kanpoaldean.

• Patio, lonja eta bestelako leku itxietan putzuak edo ur-pilaketarik egotea saihestu. Horrela, intsektuak (eulitxoak) agertzea ekiditen da eta arratoiak agertzea saihesten da (ur hori edaten baitute). Ez altxatu patioetako saretoak.

• Etxea edo eraikinaren kontserbazio-baldintzak aldizka berrikusi eta baldintza egokietan eduki. Prebentzio neurririk onena karraskariei sartzen ez uztea da. 0,5 cm baino gutxiagoko sarbide-zuloak zementuz eta metal galbanizatuzko sareekin itxi.

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa