uriola.eus

Giza Katea egingo dute metroaren 4. Línea eskatzeko

  Jendartea  Errekalde

Asteburu honetan Metro 4. linea plataformak giza katea antolatu du Errekalde plazan. Errekalde plaza eta Zabalburu plaza lotzea da asmoa, metroa bertara heldu behar duela eskatzeko.

Giza Katea egingo dute metroaren 4. Línea eskatzeko
Metroaren argazkia | Ikusi handiago | Argazki originala

Bihar, larunbata, eguerdiko 12:00etan Errekalde plazan bilduko. Bertatik atera eta Zabalburu plazara arte giza katea egingo dute metroa 4. linearen proiektua aurrera atera behar dutela aldarrikatzeko.

Izan ere, auzoan aspalditik dagoen aldarrikapena da. Uretamendi-Betolaza, Peñascal, Errekalde, Irala, San Adrian, Miribilla, Zabala eta Zabalburu auzoko elkarte desberdinek parte hartzen dute plataforma honen barruan eta metroa euren auzoetara heldu behar duela aldarrikatzen dabiltza aspalditik.

2008. urtetik dabiltza aldarrikapen honekin. Komenigarria da gogoratzea, urte honetan zabaldu den 3. linearen lehenengo proiektuan Errekaldera arte heltzen zela. Baina, azkenean, proiektua aldatu egin zuten eta gaur dagoen bezala egitea erabaki zuten. Auzo horietan jende ugari bizi da, eta auzo guztiak biltzen dituen linearen proiektu berria martxan jartzeko ordua dela adieraziko dute beste behin.

Oraingoan, giza-katea egingo dute beraien eskakizuna aldarrikatzeko.  Eguerdiko 12:00etatik aurrera Errekalde eta Zabalburu plazak lotuko dituzte. Ekimena aurrera eramateko, auzokideen laguntza eskatu dute.

2017/11/18 12:00 - 13:00

Errekalde plaza Errekalde

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa