Atxuriko II. Udako Zinema

Erabiltzailearen aurpegia   Kultura-aisialdia

Uztailaren 18an, ostirala, Enkarnazio plazan zinea elkarrekin ikusteko hitzordua jarri dugu. Ostean, gamusinoen bila... hartu sartaginak eta linternak!

FCC-ELAI Bilboko lorategiak: "Bilbotarrek eta beharginek seriotasun gehiago merezi dute"

Erabiltzailearen aurpegia   Udal gaiak

FCC-ELAI Bilboko lorategiak: "Bilbotarrek eta beharginek seriotasun gehiago merezi dute"

LABen sail sindikalak, egungo kontratari kontratua bi urte gehiagoz luzatzeari ezetza eman ondoren, "seriotasuna" eskatu dio Udalari "Bilboko bizkaneek eta Udal-beharginek hori merezi dutelako".

Errobiko Festibalaren 19. edizinoa prest dago

Erabiltzailearen aurpegia

Baionan bagilean estreinautako Gerezien denbora uri pastorala barriro ikusteko aukerea eskainiko dau Errobiko jaialdiak, izan be domekan, garagarrilaren 20an, beste emonaldi bat egingo dabe Itsasun bertan. Garagarrilaren 17tik 20ra musika izango da nagusi festibalean, baina erakusketek, berbaldiek, umeentzako ipuin kontalariek eta mendiko ibilaldiek be badaukie lekua egitarauan.

Baionan XX. mende hasieran burdingintzako beharginek bizi izandakoak ditu ardatz Gerezien denbora pastoralak. Itxaro Bordak idatzi dau testua, eta zuzendaria Beñat Axiari da, Errobiko jaialdieran antolatzailea. Ehun lagun baino gehiagok hartuko dabe ...

Gaztelugatxe, zazpi mirarietako bat

Erabiltzailearen aurpegia

Allianz Global Assistance aseguru etxeak antolatuta, Espainiako Estaduko Zazpi Mirari Naturalak izentetako botazinoa izan da oraintsu. Hautagai askoren artean Gaztelugatxek jaso eban boto gehien, eta, ondorioz, Bilboko Guggenheimen ostean, Bizkaian gehien bisitautako lekuen artean bigarrena, Gaztelugatxe da lekurik miragarriena. Onarpen hori lortu dabe beste sei paraje honeek be: Somiedoko Parke Naturala (Asturias), Gata lurmuturra (Almeria), Las Medulas (Leon), Lagunas de Ruiderako Parke Naturala (Gaztela-Mantxa), Fuente De (Kantabria) eta As Catedrais hondartzea (Lugo).

Bermeoko alkate Idurre Bidegurenek jaso dau bart ...

Ertzaintzearen lehenengo Euskerearen Erabilera Plana aurkeztu jake sindikatuei

Erabiltzailearen aurpegia

Eusko Jaurlaritzako Segurtasun Sailak, Estefania Beltran de Heredia sailburua buru zala, Ertzaintzearen historiaren lehenengo Euskerearen Erabilera Plana aurkeztu deutse sindikatuei euskal herritarrei polizia zerbitzu elebiduna emoteko erronkeari begira. Aurkezpenaren ondoren, erakunde sindikalen ekarpenak jasoteko epea edegi da.

Segurtasun Sailak 2015erako Planean batutako neurrien artean dagoz urteko euskalduntzerako aurrekontua handiagotzea, urtero euskera ikastaroak egiteko liberetan diran ertzainen kopurua igotea -2015etik aurrera kopurua 80 eta 100 artekoa izango da (egun 25 dira)- eta plan zehatz bat sortzea agenteek euren lana euskeraz ...

Johnny Winter blues musikaria hil da

Erabiltzailearen aurpegia

Johnny Winter blues musikari estadubatuarra hil da gaur, garagarrilak 17, 70 urte zituala, Zurichen (Suitza), Rick Darringer bere taldekidearen emaztea dan Jenda Darringerrek jakinarazo dauenez. Johnny gaur goizean hil da, Zurichen. Bere osasun egoerea ez zan ona eta ahul eta makal sentiduten zan, idatzi dau Jenda Darringerrek Facebook sare sozialean, American Blues Scene aldizkariak jaso dauen mezu batean.

John Dawson Winter III.a Beaumont urian (Texas, AEB) jaio zan, 1944ko zezeilaren 23an, eta blues rockaren eta AEBetako hegoaldeko rockaren izen ...

Costa Rica, Osetia, Txina eta Hegoafrikako taldeak, Portugaleteko 40. Nazinoarteko Folklore Jaialdian

Erabiltzailearen aurpegia

Munduko musika eta jantza tradizionalak ezagutzeko aukera ederra eskainiko dau Portugaleteko Nazinoarteko Folklore Jaialdiak aurten bere bai, izan be garagarrilaren 21etik 27ra bitartean, Polonia, Costa Rica, Osetia, Txina, Hegoafrika eta Aragoiko taldeek euren lanik ikusgarrienak erakutsiko ditue berton. Eta jakina Elai Alai jantza talde antolatzaileak be parte hartuko dau.

Bilboko Rekalde aretoan egin dabe aurtengo edizinoaren aurkezpena jaialdiko arduradun Gaizka Benguriak eta Aitor Beitiak, Kultura diputadu Josune Ariztondok, Eusko Jaurlaritzako Clara Monterok eta Mikel Torres Portugaleteko alkateak.

Garagarrila hasi ...

EGOk beste erronka handi bati helduko deutso udan: A. Brucknerren 4. sinfoniari, hain zuzen

Erabiltzailearen aurpegia

Euskal Herriko Gazte Orkestreak gaur aurkeztu dau udako denporaldia. Erronken artean, Anton Brucknerren 4. Sinfonia, Erromantikoa, lan entzutetsua prestauko dau. Eusko Jaurlaritzearen Gasteizko egoitzan egindako aurkezpen-ekitaldian, Joxean Muñoz Kultura sailburuorde eta Euskal Herriko Gazte Orkestra Fundazinoaren lehendakariordeak eta BBK, Kutxa eta Vital Kutxako ordezkariek sinatu dabe hiru Kutxen eta Euskal Herriko Gazte Orkestra Fundazinoaren arteko 2014rako lankidetza-hitzarmena.

Eusko Jaurlaritzako Hezkuntza, Hizkuntza Politika eta Kultura sailaren eta BBK, Kutxa eta Vital Kutxaren gizarte-ekintzen arteko lankidetzea beste aurrerapausu bat da gure ...

Carlos Terronek eta Jose Maria Larrazabalek 2014ko Bilbainada Lehiaketako lehen saria irabazi dabe

Erabiltzailearen aurpegia

Bilbainadea, Bizkaiko uriburuko musika-generorik bereizgarriena, errepertorioa barrituz doa etenbarik, Udaleko Kultura eta Hezkuntza Sailak Radio Nervion eta TeleBilbaoren lankidetzaz urterik urte antolatzen dauen lehiaketeari esker. XXVI. edizinoan, sari nagusia Carlos Terron Sotok eta Jose Maria Larrazabal Alzagak irabazi dabe, gaztelaniaz eta euskeraz, hurranez hurran.

Bata zein bestea Bilbainada Lehiaketearen aurreko edizinoetan saritutako hainbat kanturen egileak dira. Carlos Terronek Bilbao Botxito, mi tierra izenburuko bilbainadeagaz irabazi dau aurtengo lehiaketea, eta igaz akzesit bat lortu eban Del Bocho y marchoso kantuagaitik. Bestalde ...

Mediateka BBK 2.000.000 lagunek bisitau dabe jarduerako lehen hiru urteetan

Erabiltzailearen aurpegia

Bilboko Alondigako Mediateka BBK urteko 365 egunetan dago zabalik, astelehenetik barikura, goizeko 9:00etatik gaueko 21:00etara eta astegoien eta jaiegunetan 11:00etatik 21:00etara. 2010ko urrian inaugurau zanetik, herritarrentzako ezagutzea eta kulturea zabaltzeko leku bihurtu da.

Kontuak kontu, 2011-2013 denporaldian, 1.924.662 lagunek bisitau eben Mediateka BBK, 856.000 mailegu egin ziran, ordenagailuen 538.000 erabilera eta 16.500 persona hurreratu ziran antotatutako tailer eta ekitaldietara.

Bilboko Alondigeak eta BBK-k inbersinoaren itzulkin ekonomikoaren azterketa bat egin dabe Mediateka ...

2014-15 ikasturterako matrikula zabalik dago

Erabiltzailearen aurpegia
Datorren ikasturtean euskara ikasi nahi baduzu, HABEko edo bestelako azterketa ofizialak prestatzeko asmorik badaukazu, oposaketak egin behar badituzu… etor zaitez Gabriel Aresti euskaltegira! 2014-15 ikasturterako matrikula zabalik dago jada: maila guztiak eta ordutegi eta ordu-kopuru eskaintza zabala daukagu euskara ikasi eta gozatzeko erraztasun guztiak eduki ditzazun. Gainera, iazko prezioak mantentzen ditugu, eta langabetuek eta gure ikasleek deskontu bereziak izango dituzte. Informa zaitez gure bulegoan (Done Bikendi, 2. 4.solairua 48001 Bilbo) Segi irakurtzen

Bizenta Antonia Mogel idazlearen lana zabalduko du Yolanda Arrietak

Erabiltzailearen aurpegia   Kultura-aisialdia

Bizenta Antonia Mogel idazlearen lana zabalduko du Yolanda Arrietak

Yolanda Arrieta idazleak 'Bizenta Antonia Mogel: andre argi baten ikurrak' hitzaldi tailerra eskainiko du gaur Kafe Antzokian.

Ipar Euskal Herrian euskerea sustatzeko 1,6 miloe euro batu ditue EEPk eta Eusko Jaurlaritzeak

Erabiltzailearen aurpegia

Euskerearen Erakunde Publikoak eta Eusko Jaurlaritzeak 1.600.000 euro batu ditue Ipar Euskal Herriko gizarte eragileek euskerearen sustapena eta garapena bultzatzeko aurkeztu dituen proiektuak diruz laguntzeko. Alde bien ekarpenaz osotzen dan lankidetzarako fondoan, Eusko Jaurlaritzeak 400.000 euro jarri ditu.

François Maitia Ipar Euskal Herriko Euskerearen Erakunde Publikoaren presidenteak eta Patxi Baztarrika Eusko Jaurlaritzako Hizkuntza Politikarako sailburuordeak bi erakundeen arteko lankidetza hitzarmenean aurreikusitako diru-laguntzinoen ebazpena aurkeztu dabe bart, Baionan egindako ekitaldian.

Diru-laguntzinoak bi multzotan banatuko dira: hitzarmenen ...

Junkera eta Urdaibai

Erabiltzailearen aurpegia

Biak lotu ditue erakusketa baten Busturiako Madariaga Biodibertsidade Zentroan. "Urdaibai Kepa Junkeraren trikitixan" izenburupean dago zabalik erakusketea, irailaren 30era arte. Kepa Junkeraren musikan Urdaibaik eukitako eragina erakusteaz gain, naturgunean babestu eta zaintzearen garrantzia erakutsi gura dabe.