Argia

Pintaketa falangistak agertu dira Pikara Magazine-k eta Faktoria Lilak Bilbon duten lokalean. Haietako batean 52 zenbakia dago, Vox alderdi faxistak Espainiako Kongresuan azken hauteskundeetan lortu dituen ordezkariei erreferentzia egiten. “Eraso hau prentsa-askatasuna eta adierazpen- askatasunari mehatxu zuzena da”, adierazi du hedabide feministak.

Auzo honetan [Bilbo Zaharra], pobreziaren, bazterkeriaren, langabeziaren eta irtenbiderik gabeko gazteen eta abarren tasa oso da altua. Orain, auzoko EH Bilduk batera interpretatzen dituen bi gertaera jazo dira: Mesedeetako kaleko 3. zenbakiko hotel berriaren irekiera eta justu ondoan dagoen osasun-etxe edo anbulatorioaren pixkanakako itxiera.

1963. urtean 13 neska-mutil hasi ziren Agirre Lehendakariaren kaleko Azaola-Gereñotarren etxebizitzan eskolak jasotzen, Elixabete Lopez de Gereño andereño zutela. Hurrengo ikasturtean, 1964-1965ean, Estibalitz ahizpak lagundu zion klaseak ematen eta lekukoa hartu zion Deustuko Ikastolaren eraketa prozesuan.

Azaroaren 7 eta 8an jardunaldiak izango dira Bilbon.

Halako eta bestelako galdera sortak mahai gaineratu dituzte OMALek antolaturiko 'Megaproiektuak: Enpresa nazioartekotzea eta herri erresistentziak' nazioarteko jardunaldien lehen saioan, Bilbon. Ekonomiaren testuinguru globalaz, latinoamerikarraz, europarraz eta hauetan barreiatzen diharduten multinazionalen jardunaz aritu dira. Ostiraleko saioak xeheagoak izango dira.

Ekonomia Sozial eta Solidarioaren azoka Bilboko Zabalgune Merkatuan egingo da azaroaren 8an eta 9an eta aurten izaera aldatuta dator: "Ez da azoka soila izango, partekatu, ikasi eta ospatzeko lekua baizik", diote antolatzaileek.

Gazteek sormenerako duten gaitasuna eta ilusioa ikusteko aukera paregabea izan zen Barrutik Kanpora ikuskizuna, Bilboko Campos Antzokian. Udalak eta Euskaltzaleen Topaguneak urtero antolatzen duten Harrapazank programaren barruan, orain modan dauden talent show direlakoen antzeko lehiaketa egiten dute, 12 eta 18 urte bitarteko gazteak euskarazko aisialdira erakartzeko. Camposeko oholtzan batu ziren aurtengo edizioko onenak.

Kristallnatch edo Kristal apurtuen gaua gogoratzen da azaroaren 9an. Aurreko egunean manifestazioa egingo dute Bilbon, faxismoari aurre egiteko deia zabalduz. Deialdia 19:00etarako egin dute, Arriagan.