Hitzaldia: Game Erauntsia: Bideojokoen mundua partekatu, eztabaidatu eta gozatu

2015/11/14 11:00

Euskararen Etxea | Deustualdea

Azaroaren 14an, larunbataz, Euskararen Etxea bisitetarako zabalik dagoela aprobetxatuz, Game Erauntsia komunitateko lagunak izango ditugu gurekin. Duela urtebete sortu zen euskal bideojokalariak batzeko gune honek eskeintzen duena eta aurrera begirako erronkak azalduko dizkigu. Game Erauntsia, bideojokoei buruz euskaraz partekatu, eztabaidatu eta gozatzen duen komunitate zabal hau, indartzen ari da, eta dagoeneko guztion eskura jarri ditu GETB bideojokoen telebista, txapelketa sistema bat, artikulu eta gameplayak partekatzeko gune bat… Oraindik zer den ez dakizula? Hau guztia izango dugu: Iker Bellido (sarean Roboute Guiliam) jokalari eta youtuber bezala bere esperientzia kontatuko du. Ondoren, euskaraz dagoen eta software librekoa den SuperTux Kart txapelketa bat egingo dugu. Honekin batera Game Erauntsiko webgunean zuzenean eta streaming bidez txapelketa hau komentatuko dugu eta emititu. Eta bideo hau Youtubera nola igo eta “Game play” (bideo iruzkindu) bat atarian nola publikatu erakutsiko dugu. Minecraft zerbitzarian ere nola apuntatu eta bertan ibili erakutsiko dugu. Hainbat gauza, ezta? beraz, hurbildu eta ikasi eta disfrutatzera!

Udal alokairurako etxebizitza kopurua handitzeko lehiaketa publiko bidezko plana proposatu du EH Bilduk

Erabiltzailearen aurpegia
Aurreikusita dago datorren urtean 7.000 pertsonek udal-etxebizitza eskatzea; erabilgarri dauden etxe kopuruak eskaeren erdiak ere ez du asebetetzen. Aitziber Ibaibarriaga EH Bildu Bilboko bozeramaileak udal-etxebizitza kopurua handitzea eskatu dio Udalari. Eskaera hori 2004-2016 urteetarako aurreikusita zegoen inbertsio plana bete ez ostean egin du Ibaibarriagak. Datorren urterako alokairuan emateko jabetza publikoko 6.000 etxebizitza izatea aurreikusten zen. […]

Areto futbol egokituko Liga martxan

Erabiltzailearen aurpegia   Kirolak

Ligaren laugarren edizioa hasiko da asteburu honetan, eta Federazioak horren aurkezpena egin du, babesle nagusia den Athletic Fundazioaren laguntzagaz. Aniztasun funtzionala dutenen kirol praktika indartzea da Ligaren helburua, eta sei elkartek parte hartzen dute: Gorabide, Uribe Kosta, Geu Be, Atzegi Antigua-Luberri eta Apdemak. Guztira, 150 bat futbolarik parte hartuko dute. Ikasturte osoko iraupena edukiko du […]

Euskal film laburrak, Juan Ruiz Anchia eta Aitor Mazo protagonista bihar Zinebi57ren inaugurazinoan

Erabiltzailearen aurpegia   Kultura-aisialdia

57. Bilboko Dokumentalen eta Film Laburren Nazinoarteko Jaialdia (Zinebi) bihar hasiko da Bilboko Arriaga Antzokian, 20:00etan, lehiaketan parte hartuko daben euskal film laburren emonaldiagaz eta omenaldi bikotxagaz. Alde batetik, Ohorezko Mikeldia jasoko dau Juan Ruiz Anchía zinema argazkilari bilbotarrak, bere ibilbide luzean nazinoartean lortu dauen dimensio garrantzitsuagaitik eta, bestetik, Ohorezko bigarren Mikeldia, hil ondorengoa, emongo jako oraintsu hildako Aitor Mazo antzezleari.

Kontuak kontu, 65 filmek hartuko dabe parte atal Ofizialean, zinemaldiak dituan hiru generoetako Urrezko eta Zilarrezko Mikeldiak lortzeko ...

Ea lehengoak zenbat balio eban konturatzen garan

Erabiltzailearen aurpegia

Ea lehengoak zenbat balio eban konturatzen garan

Bilboko tranbia 2002an abiatu zan lehenengoz. Arranditsu zabaldu zan Bilbo barruko ibilbidea. Urteokaz arrakasta handia izan ei dau bilbotarren artean eta turisten artean, batez bere. Bilbo turistazale honetan zer irabazi badagoala begitandu jake gure agintariei. Halanda be, Oskorri gureak musikatutako Gabriel Arestiren Bizkaiko aberatsak kantuan beste tranbia bat aitatzen zan; Bizkaiko tranbia, alegia. 

Gaur 19:33ean: GUREGU jaia Deustuko Gazte Lokalean!

Erabiltzailearen aurpegia

Jolasak eraldatzeko duen boterea erakusteko, Deustuan euskarari dagokion tokia emateko, elkarrekin kantatzeko, geure alternatiba propioak eraikitzeko, eredu heteropatriarkaletik at aisialdian jarduteko, geuregatik, geure umeegatik eta geure etorkizunagatik animatu eta etorri gurekin gaur 19:33ean Deustuko Gazte Lokalera jolas egitera! #jolasasexi

The post Gaur 19:33ean: GUREGU jaia Deustuko Gazte Lokalean! appeared first on Berbaizu euskara elkartea.

Elkarretaratzea: 'Herri Katalanarekiko Elkartasuna!'

2015/11/12 20:00

Udaletxe aurrean Bilbo

Auzitegi Konstituzionalak independentziarako adierazpena bertan behera uzteko erabakiaren aurrean, 'Herri Katalanarekiko Elkartasuna!' lelopean, gaur, hilak 12, Aldarricatuz ekimenak kontzentrazioa deitu du Bilbon, udaletxe aurrean, 20:00etan. 

Herrialde Katalanen errealitate nazional, politiko eta soziala Euskal Herrian zabaltzeko ekimena da Aldarricatuz.

aldarricatuz.wordpress.com

@aldarricatuz 

Arabako Errioxatik euskera hutsezko diskoa dakar En Tol Sarmientok

Erabiltzailearen aurpegia

En Tol Sarmiento (ETS) taldearen laugarren diskoa da Beldurrik ez (Baga Biga). Aurrekoak baino lan laburragoa da, sei abesti baino ez ditue sartu. Bizitasuna emon nahi izan deutsie diskoari. Oraingoan, ganera, kanta guztiak euskerazkoak dira. Jai giroko abesti alaiak eta mezu serioagoak tartekatu ditu Arabako Errioxako taldeak.

Ska musikea da ETSren ezaugarri nagusia. Beldurrik ez lanean be badagoz era horretako doinuak, baina aurrekoak baino disko rockeroagoa dala adierazo dabe taldekideek. Alaitasuna galdu barik, eta skaren txinpartak kanta guztietan sartuta, rockerako ...

XI. Kameratoia, abenduaren 5etik 8ra Durangoko Azokan

Erabiltzailearen aurpegia

Euskaltzaleen Topaguneak aurten be Kameratoia Euskal Herriko Ikus-entzunezkoen Rallya antolatu dau Durangoko Azokako Irudienea plazearen barruan. Ohikoa dan legez, erispide batzuk jarraituz, parte-hartzaileek, 50 ordu izango ditue euren film laburrak sortzeko. Ekimen honetan parte-hartzeko, izena emoten daben lagunek 18 eta 35 urte artean izan beharko ditue eta aurten, 48 ordu izan beharrean, gazteek 50 ordu izango ditue euskerazko film laburrak sortzeko, Azokearen 50. urteurrenari keinu eginez. Izen-emotea zemendiaren 30era arte izango da zabalik eta plaza kopuru mugatua dago ...

Bilbo Hiria 27. Pop Rock Lehiaketako finalak gaur, bihar eta etzi

Erabiltzailearen aurpegia

Bilbo Hiria Pop Rock Lehiaketako 27. edizinoa bere azken fasera heldu da asteon, eta Bilboko Udalak antolatutako lehiaketeak Bilborock aretoan ospatuko ditu bere hiru modalidadeetako kontzertuen finalak: eguenean, hilaren 12an, Elektronika eta Beste Joera Batzuetakoa, barikuan, 13an, Metal modalidadekoa eta, zapatuan, 14an, Pop Rock kategoriakoa. Kontzertu guztiak 20:00etan hasiko dira eta sarrerea dobakoa izango da. Gauzak holan dirala, Elektronika eta Beste Joera Batzuk kategorian, Evil Pink Machine (Bizkai), Ghostly Enemies (Bartzelona), Malachi Estereo (Bartzelona) eta Bassboss (Asturias) dira ...

'Bizkaia zortzi puntutan'

Erabiltzailearen aurpegia

Bizkaiko Bertsozale alkarteak bultzatuta, martxan dago Zortzi puntutan ekimena Bizkaiko zortzi eskualdeetan: eskualde bakotxak bere neurrira diseinautako jaiak.

Bizkaiko eskualdeetako talde antolatzaileek euren neurrirako jaiak antolatuko ditue aurtengo ikasturtean Bizkaian. Zemendian hasiko dira goiztiarrenak, eta maiatzera bitartean, eskualde guztiek antolatuko dabe jaia.

Antolakuntza eta formatua eskualdeen esku geratuko da, hau da, eskualdeek erabagiko dabe euren etxerako zein dan formaturik egokiena eta horren arabera diseinauko dabe eskualdeko eguna: batzuk txapelketak antolatuko ditue; besteek, girotze saioak.

Ekimenaren helburua eskualdea girotzea eta bertsogintzearen ...

Domekararte bidezko merkataritzaren astea egingo da Bilbon

Erabiltzailearen aurpegia

Gaurtik domekara bitartean bidezko merkataritzaren astea egingo da Bilbon, “Pausu on bat Bilborako” lelopean.
Hamahirugarrenez egiten da honako aste hau. Intermon-Oxfam-ek 25 urte daroez Bilbon lan egiten.

Klasikoen hirugarren rallya egingo da zapatu honetan Mungian

Erabiltzailearen aurpegia

Froga honetan parte hartzeko kotxeak gitxienez 25 urte euki behar dabez. Bertako racing alkarteak antolatzen dau.50 bat parte hartzaile izango dira eta kotxiak goizeko 8,30tik 11ra helduko dira.

 

Valerie Mrejen artista frantsesaren lana ezagutu ahal izango da Bilbao Arten

Erabiltzailearen aurpegia

Artista horrek sortutako lau bideo erakutsiko dira Bilbao Arteren egoitzan (Urazurrutia kalean), zemendiaren 16tik 20ra. Erakusketa bideografikoa izango da, lau filmak batera proiektauko ditue pantaila banatan arratsaldero. Ganera, hilaren 19an, tailer bat gidatuko dau Valerie Mrajanek berak. Proiekzinoak doban dira baina tailerrerako izena emon behar da.

Valerie Mrejen (Paris, 1969) alor asko landu dituan artistea da. Bilboko publikoari haren lana ezagutzera emoteko astea egingo dau Bilbao Artek zemendiaren 16tik 20ra. Frantzia garaikideko zinegileen zikloagaz bat egingo dau Bilbao Arteren ...

Euskerazko zinemagileen topaleku izango da Lekeitio zemendiaren 22tik 29ra

Erabiltzailearen aurpegia

Lekeitioko Euskal Zine Bilerearen 38. ekitaldia egingo dabe hilaren 22tik 29ra eta bertan ikusi ahal izango dira euskerazko egile profesional zein amateurren filmak. Proiekzinoak ez eze, berbaldiak, mahai-inguruak, umeen txokoa eta Aitor Mazori omenaldia egongo dira. Ganera, jaialdiaren eragina herri guztira zabaltzeko asmoz, Lekeitioko Udalak eskaparate lehiaketea antolatu dau ostalari eta merkatarientzat.

Aurtengo Zine Bilerara 41 film aurkeztu dira. Horregaitik, euskerazko zinemagintzearen hitzordu garrantzitsuenenetakoa da Lekeitiokoa. Gure kulturea bultzatzeko, ekimen polita ez eze, eraginkorra da, azpimarratu dau Lorea ...