Bihar (urriaren 23a, osteguna), Bilboko Ekoetxean (Pilota 5, behea) hitzaldi berezia egongo da herritar zein naturalzaleentzat: Bilboko itsasadarrean eta Deustuko kanalaren inguruan ikus daitezkeen hegaztiei buruzkoa izango da. Ekitaldian, Jose Miguel Soler, Sociedad Ornitológica Lanius Ornitologi elkarteko kideak, Bilboko itsasadarrean gertatutako ingurumen-aldaketen ondorioz sortutako espezie berri eta legez babestutako hegaztiei buruz hitz egingo du. Solerrek azalduko du, halaber, Deustuko kanalaren inguruan, Zorrozaurren abian den hirigintza-garapenarekin batera, hartutako neurriak hegaztien presentzia nola eragin duten eta horrek erabiltzaileen esperientzian izan duen eragina.
Deustuko kanalaren inguruko ingurumen-aldaketek, Bilboko portu-eremu itxi bat pasealeku eta natur ingurune ireki bat bihurtzeak, espezieen birkolonizazio berri bat ahalbidetu dute. Jendearen paseoak eta naturazaleen behaketak izango dira hitzaldiaren ardatz nagusiak. Gaur egun, naturazaleek, batez ere, Deustutik Elorrietaraino doazen paseoen inguruan, hegaztien behaketaz gozatzeko aukera daukate.
Solerrek gogoraraziko duenez, "nahiz eta bilakaera positiboa ikusi, administrazioek eta partikularrek ez dute gelditu behar, eta lehendik dauden espezieen presentzia sendotzeko lanak jarraitu behar dira". Aipatu beharrekoa da, halaber, hainbat espezie berrik Bilboko itsasadarra kolonizatu dutela, eta horrek, zenbait kasutan, hegaztien kopurua handitzea ahalbidetu duela.
Hitzaldiaren amaieran, solasaldi irekia izango da, eta parte-hartzaileek aukera izango dute, besteak beste, egungo hegaztien argazkien bidez ingurune horren ezagutza handiagoa izateko.
Data: Urriak 23, osteguna
Ordua: 19:00etan
Tokia: Ekoetxea (Pilota 5, behea), Ibaiondo
Antolatzaileak: Ekologistak Martxan Bizkaia, Sociedad Ornitológica Lanius Ornitologi elkartea eta Asociación de Vecinos El Canal
Laguntzailea: Bilboko Udala