AEKn urteak eta urteak daramatzagu Bilbotarrak euskalduntzen eta eskarmentu hau guztia zure eskura jartzeko irrikitan gaude. Zazpi AEK euskaltegitan ikasi ahal izango duzu Bilbon, hurbilen daukazuna aukeratu, besterik ez duzu egin behar. Behar duzun ordutegia eta modulazioa aukeratu eta aurrera!
Jakin badakigu, ordea, euskara ikasteak ahalegin ekonomikoa eskatzen duela. AEKn aspalditik aldarrikatzen dugun doakotasuna oraindik lortu ez den arren, egia da hainbat urrats eman izan direla eta ziur gaude gehiago emango direla. Bide horretan, hiru beka sistema dira bilbotarrok erabil ditzakegunak. Eusko Jaurlaritzak, Bizkaiko Foru aldundiak eta Bilboko Udalak martxan dituzten beka sistemak, hain zuzen ere. Hauei buruzko informazio zehatza edozein euskaltegitan jasoko duzu.
Esandakoak esanda, aurtengo ikasturtean izena eman dezazun gonbidapena luzatzea baino ez zaigu falta. Animatu eta euskara ikasi, merezi du eta!