uriola.eus

Eragin Bilbok prekarietatea salatzeko manifestazioa antolatu du

Erabiltzailearen aurpegia   Ekonomia-Lana

Aurtengo udaberria mobilizazio erraldoiez betea izan dugu Euskal Herrian, bereziki azpimarragarriak izanik pentsionista eta mugimendu feministak egindakoak. Kaleko pultsua berreskuratzeko balio behar duen urtea. Azaroaren 23an Plaza Zirkularretik manifestazioa abiatuko da.

Erronka horretan gazteok ezinbesteko funtzioa dugu. “Krisia” hasi zenetik etengabeko lotsagabekeria pairatu ditugu lan politiken eta enpresarien aldetik. Soilik 10 urtetan enpresek gazteon soldatak % 20,5 murriztu dituzte administrazioak “enplegua sustatzeko” aitzakipean enpresariei dirua oparitzen duten bitartean.

Enplegua sortzeko politika ohikoak direla esango dute batzuek. Bada, denbora zehatz horretan EAEko %10 aberatsenek %10,6 handitu dute beraien aberastasuna. Duela urte batzuk entzuten zen leloak zioen bezala, “ez da krisia, iruzurra da”.Langileok eta, batez ere, gazte, migratzaile eta emakumeok jasan behar izan dugun iruzurra. Azpimarratzekoa da genero arrakala 1000€ handitu dela azken urte hauetan Eusko Jaurlaritzen datuen arabera.

Horri guztiari, prezioen igoera ekarri duen etxebizitza burbuilaren itzulera eta 955€-tan kokatu den bataz besteko alokairua gehitu behar zaizkio. Azken hau gazteon 855€ bataz besteko soldata lotsagarria baino 100 € altuagoa.

Noiz arte onartuko dugu basakeria hau? Aski da “es lo que hay”, “es lo que toca” edo “ya pasará” bezalakoez zeren; hau ez da dagoena, ezta suertatu behar zaiguna eta, borrokatzen ez badugu, geratzeko etorriko da. Ezin dugu utzi enpresariak gure lanaz etengabe aberasten jarraitu daitezen, beraren gurasoak baino txarrago biziko den lehen belaunaldia onartuz

Kalera irtetzeko unea da. Azaroaren 23an Plaza Zirkularretik deitu dugun manifestaziora batzeko deia luzatzen diegu eragile eta gazte mugimendu ezberdin zein mugimendu politiko ezberdinei. Prekarietate eta esplotazioaren aurka, kaleak hartu!

Bizitza laburregia da… Que no te exploten.

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa