Protestak eragin ditu erabakiak eta baita manifestaldi deialdi bat ere.
Doinua: Txoriak eta txoriburuak
Galdeketa bat Bilbon eskatuz
gai potoloa, gizena,
hori babesten duen konpartsak
Piztiak dauka izena.
Udaletxeak erantzun dio
eginez orru ozena
zezenketena ez dela orain
toreatzeko zezena.
Nahiz ta hiriak agertu gura
duen ireki ta progre
zezenketekin argudioa
gelditu da oso pobre.
Ohitura zaharrak zaharberritzeko
nahiz guk Marijaia erre,
izenez eta izanez gezur
handia Vista Alegre.
Zalea ez naiz ta zezenketak
ez dit goxatzen sudurrik,
Bilbora sosak dakartzatela?
ez nuke emango urrik.
Zaleak ere noski badaude
hortan ez dago gezurrik,
baina galdetu jendeari ta
ez izan horren beldurrik.
Keynes