Espainiako Gobernuarekin AHTaz hitz egitera joango dira Jaurlaritza eta EAEko hiriburuetako alkateak

Ana Oregi Eusko Jaurlaritzako Ingurumen sailburua eta Juan Maria Aburto, Eneko Goia eta Gorka Urtaran, Bilbo, Donostia eta Gasteizko alkateak, Espainiako Sustapen ministro Ana Pastorrekin bilduko dira asteartean Madrilen, AHT egitasmoaz hitz egiteko. Zehazki, trenbideak EAEko hiru hiriburuetara zer nolako sarbidea izango duen aztertuko dute.