Eskolak lehentxeago hasita zeuden arren, asteazkenean egin zuten Dantzerti Arte Dramatiko eta Dantza Goi Mailako Eskolaren irekiera ekitaldi ofiziala. Antzerkiaren eta dantzaren sektoreko aspaldiko aldarrikapena bete da azkenik; hala ere, eskola irekitzeak ez ditu erabat asebete urteetako nahiak. Goi mailako eskola izatea orobat aurrerapausotzat jo arren, kritika ugari jaso ditu proiektuak.