Burgos iparraldeko frackingaren aurkako taldeak deituta, elkarretaratzea egingo dute larunbatean (azaroak 21) Bilbon, SHESA enpresa publikoaren egoitzaren aurrean, eguerdiko 12:00etatik aurrera. SHESAk, AEBetako Petrichor eta Cambriarekin batera, Angosto-1 izeneko eremuan hidrokarburoak bilatzeko baimena du. Mobilizazioaren deitzaileen esanetan, proiektua nahikoa aurreratuta dago, eta laster hasi behar omen dira zulatzen Loma de Montija herrian –Euskal Herritik 30en bat kilometrora–, Angosto-A izeneko zundaketa-gunean.