Epaileak beste sei hilabetez luzatu du Cabacasen auziaren instrukzio fasea
2016ko eka. 6a, 17:56
Ana Torres epaileak Iñigo Cabacasen heriotza ikertzeko instrukzio fasea sei hilabetez luzatzea erabaki du. Hala eskatu zuen Cabacasen familiaren akusazio partikularrak, hain zuzen ere, ikertu beharreko probak daudela argudiatu baitu Jone Goirizelaia abokatuak. Iñigo Gogogan plataformak erabakia hartu bitartean, eserialdia egin du epaitegi aurrean, beste behin, "justiza" eskatzeko.