Hilabete daramate greban Bilboko Arte Ederren Museoak azpikontratatuta daukan Manpower Group enpresako langileek, bizi duten egoera prekarioa salatzeko eta lan-baldintza duinak eskatzeko. Ekainaren 7tik greba mugagabean daude eta geroztik Arte Ederren Museoa itxita dago. Ekainaren 16rako eta 17rako “Prekarietatearen museoa” antolatu dute, Hau bai Hiperrealismoa lelopean.