uriola.eus

Errepresioa eta protesta sozialen kriminalizazioa jo-puntu, Bilbon burutuko diren jardunaldietan

Erabiltzailearen aurpegia   Jendartea

Martxoaren 29tik 31ra bitartean Bilbon egingo diren “Errepresioaren eta protesta sozialen kriminalizazioaren kontrako jardunaldiak” aurkeztu dituzte asteartean.

Errepresioa eta protesta sozialen kriminalizazioa jo-puntu, Bilbon burutuko diren jardunaldietan
Argazkia: Ecuador Etxea | Ikusi handiago | Argazki originala

Herritarren Kriminalizazioaren Aurkako Plataformak “Errepresioaren eta protesta sozialen kriminalizazioaren kontrako jardunaldiak” aurkeztu ditu astearte goizean Albiako lorategietan, Bilboko epaitegiaren aurrekaldean. Jardunaldiak Santutxu auzoko Karmela espazio autogestionatuan egingo dira, martxoaren 29, 30 eta 31 bitartean.

Azpimarratu dutenez, Mozal Legea indarrean denetik dirau plataformak honek ekarri dituen eskubide eta askatasun galerak salatzen. Ildo horretan, legea ezarri zenetik lau urte betetzear diren honetan, jardunaldi hauek antolatzea erabaki dute.

Jardunaldiei ekitearekin batera, epaitegian Mozal Legea ezarri zaien hiru kasuri jarritako helegiteei buruzko informazioa aurkeztuko dela aurreratu dute. “Mozal Legearen helburu nagusia protesta sozial baketsua kriminalizatzea, adierazpen askatasuna zigortzea eta jendartea zigor ekonomiko gogorrekin kikiltzea” dela salatzen jarraituko dutela adierazi dute, hau indargabetzea exijituz.

Jardunaldien egitaraua:

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa