Giro ezezagunen bila jarraitzen du Serpientek Krisanteilu estreinako lan luzean. Ez da erraza lehen kolpean post-punk klasikoa oroitarazten duten bederatzi abestiak etiketa bakarrean kabiaraztea, bat behingoan ohartzen baita segituan hasten direla kategoria zurrunetatik ihesean, batzuetan atmosfera ilun eta tetrikoetarantz, besteetan pop melodia argitsuetarantz. Hirukoteko bik –Ana Arsuagak eta Elena Nuñezek– azaldu digute zein koordenadatan aurkitzen diren une honetan.