Krater itzela zulatu zuten Trianoko mendietan, ahanztura bezain zabala eta sakona. Zazpiehun metro bider laurehuneko aho irregularraren ertzean, barandari irmo helduta, bertigoz begiratzen diogu 180 metro beherago dagoen putzuari: goitik behera estutzen doazen mailak zizelkatu zituzten hormetan, zigurat baten negatiboa, aspaldi ahaztutako jainko baten tenplu txundigarria. Kontxa meazuloa da.