"EITB ez da Sabin Etxea" lelopean, zuzendaritza independentea eskatu du LABek

"Ez dugu onartuko EITB Media EAJren propaganda tresna bihurtzea. Ez dugu onartuko ETB, Eusko Irratia eta eitb.eus Eusko Jaurlaritzaren NO-DO bilakatzea". Haserre mintzatu da LAB sindikatua EiTBko ardura postuetan EAJn politikagintzan ibilitako Andoni Aldekoa eta Ibone Bengoetxearen izendatzeen ostean. Horrez gain, gestoreen sistema salatu dute, goi-kargu eta zuzendaritzan geroz eta jende gehiago dagoela azpimarratuz.