Haurrak ikastetxera seguru sartu ahal izateko zebrabidean paratu ziren bi gurasori 600 euroko isuna

Bilboko Atxuri auzoko ikastetxe inguruan apenas dagoen oinezkoentzako lekurik eta trafiko biziak egoera arriskutsuak sortzen ditu maiz. Konponbidea aspaldi eskatua dute gurasoek, baina iristen ez denez, umeen sarrera-irteeretan zebrabidean jartzen dira gurasoak, “haurrei bidea babesten”. Horietako bi gurasori 600 euroko isuna jarri die Ertzaintzak.