Asteburuko eraso sionistak eta horien gaineko hedabideen manipulazioa salatu dituzte Bilbon

Asteburuan Bilbon izan dira Hapoel Holon saskibaloi-talde israeldarra eta haren jarraitzaileak, eta israeldarren eta herritarren artean jazotako istiluak izan dira albiste. Asteazkenean, Bilbo Zaharreko eta Alde Zaharreko bizilagunek elkarretaratzea deitu dute, gertakizunen gaineko beren kontakizuna plazaratzeko. Eraso sionista eta faxisten aurrean erantzuteagatik hainbat hedabide herritarrak kriminalizatzen saiatu direla salatu dute, baita eraso horien aurrean Poliziak ez esku hartu izana ere. Bilboko Udalari gertakizunen gaineko erantzukizuna hartzeko eskatu diote.