Bilbon gaur gauzatzekoa zen etxegabetzea gelditu du AZET Etxebizitza Sindikatuak

Urriaren 19an familia bat etxegabetua izateko arriskuan zegoela jakinarazi zuen duela astebete Bilboko AZET Alde Zaharreko Etxebizitza Sindikatuak. Etxegabetze aginduaren data iritsita, ez da kaleratzerik gauzatu. Sindikatuak larunbatean jakinarazi zuen antolakuntzaren eta lan sindikalaren bidez Bilboko Udal Etxebizitzak-ek etxegabetzea bertan behera uztea lortu zutela.