Zerbait pizten ari da Bilbon

Teoria batzuen arabera kolapsoa gertatuko denean onddoak izango dira biziraungo duten eta lurrean bizitza berpiztuko duten izaki bizidun bakarrenetakoak. Bai, onddoak; organismo txiki eta misteriotsu horiek, eta ez beste ezer. Horrela, gure hiriaren kolapsoaren aurrean, baita kolapso kulturalaren aurrean ere, onddoak bezala agertu diren ekimenetan jarri dugu esperantza. Zerbait pizten ari da Bilbon eta hainbat txokotan ekimen ugari loratzen ari dira, hiri honek pairatzen duen apatia kulturalari aurre egiten saiatzen ari direnak, beste zerbait proposatzen dutenak, bestelako sormenari lekua eman nahi diotenak.