"Arazoa ez da etxebizitzaren prezioa igotzea, etxebizitzak prezio bat izatea baizik"

Abenduaren 14an etxebizitzaren negozioaren aurkako manifestazioa egingo dute Bilbon, etxebizitza sindikatu nagusiek deituta. “Doako eta kalitatezko etxebizitzaren alde eta politikarien eta instituzioen fartsaren aurka” mobilizatzera dei egin dute. Karla Pisanok (Etxebizitza Sindikatu Sozialista) eta Ane Salvadorrek (Etxebizitza Sindikatuen Sareak) egungo koiunturaren inguruan aritu zaizkigu. Soldata erreala jaisten ari den honetan, langileriaren pobretze orokortua gertatzen ari dela salatu dute.