Azkenaldian nabarmen areagotu dira kutsu arrazistadun mezuak San Inazio auzoko Facebook taldean. Kalean lapurretak ugaritu ei direla-eta, auzokideen erantzuna bazterketa eta miseria egoeran daudenak kriminalizatzea, polizia gehiago eskatzea eta auzoko segurtasun brigadak antolatzea izan da. Arazoaren erroa fokutik kenduta, gorroto diskurtso atzerakoiek zabal-zabalik uzten diote atea jendartearen faxistizazioari.