Agerraldia egin dute Gasteizko GKS-k, Gasteizko Etxebizitza Sindikatuak eta Bilboko Luberri konpartsak. “Hainbat hilabetez” Bilboko Konpartsekin eta Gasteizko Txosna Batzordearekin “egoera bideratu” nahian aritu direla ziurtatu dute, emaitzarik gabe. “Sorturen ingurune politikoa” egin dute “beto politikoaren” erantzule. Oraindik denbora dagoela adierazi eta konponbide bat aurkitzeko prestutasuna agertu dute. Iaz, Bilboko Konpartsek zein Gasteizko Txosna Batzordeak ukatu egin zuten Mugimendu Sozialistaren salaketa.