Bilboko itsasadarraren ertz biak lotzeko ibilgailuentzako tunelaren proiektuagaz batera, Areeta eta Sestao lotuko zituen anezka-tren bat ere iragarri zuen Bizkaiko Foru Aldundiak 2022an. Orain, proiektua gauzatzeko ardura Eusko Jaurlaritzaren mendeko Euskal Trenbide Sareari (ETS) dagokiola adierazi du Carlos Alzaga Azpiegituretako eta Lurralde Garapeneko diputatuak. Itsasadarraren azpiko proiektuaren aurkako plataformak salatu duenez, "greenwashing maniobra bat baino ez da izan proiektuaren benetako izaera ezkutatzeko" .