Martin Carpena pabiloian bildu ziren 5.000 zaleek hasierako saltotik euren taldearen nagusitasuna ikusi zuten, hiru minututan 10-2ko partziala lortuz. Nick Caner-Medley hegal-pibot amerikarraren gidaritzapean (26 puntu 20 minutu jokatuta) Joan Plazarenek ez zuten arazorik izan partidua aise irabazteko eta bilbotarren playoffetarako sailkatzeko esperantzak ia-ia lurperatzeko.
Partiduaren gakoa defentsan egon zen. Etxeko taldeak, aurkako zonan 16 errebote hartu zituen (39 guztira); Bilbao Basketek guztira 19 errebote hartu zituen.
Beltzezko gizonen artean, pasa den astean bezala, German Gabriel (23 puntu, 9 errebote) eta Alex Mumbru (13 puntu) izan ziren onenak. Nabarmentzekoak ere, Mamadou Sambek lorturiko 10 puntuak.
Rafa Pueyok zuzenduriko taldeak hilaren 21ean UCAM Murcia hartuko du bisitari Miribillan (20:30, etb1)