Gai honek biltzen dituen auziak salatzeko manifestaziora deitu dute ostiral honetan, otsailaren 28an. Zabalburu plazatik abiatuko da arratsaldeko 19.30etan eta manifestazioan parte hartzeko gonbita zabaltzen diete Bilboko hiritarrei. Gai honen inguruan gehiago sakontzeko Gaizka Suarezekin, Eragineko kidearekin, hitz egin dugu.
Eraginek, Bilboko gazte prekarizatuen asanbladak, bi urte daramatza apustu etxeen aurka gizartea mobilizatzen. Apustu etxe hauen ugaritzeak ekarri ditzakeen arazoez jabetuta, Eusko Jaurlaritzari neurri berriak eskatzen dizkiete “gaitz” bezala definitzen duten fenomeno honi aurre egiteko.