Bestalde, Espainiako gobernuak martxan jarri duen erreforma berriari buruz, adierazi dute, pentsio sistema publikoaren erasoa dela; aurreko baldintzak zaildu eta jubilazioa atzeratzea ekarri dezakeela. Era berean, nabarmendu dute, pentsio pribatuen aldeko apustua dela eta ez dagoela inolako konpromisorik gutxienekoa pentsioa bermatu eta emakumeen diskriminazioa konpontzeko. Guzti horren aurka egiteko maiatzaren 29an antolatuko den mobilizazioan parte hartzeko deia egin dute.
Hiru urte daramatzate pentsionistek eskubideak aldarrikatzen, baina hala ere, Euskal Herriko eskubide sozialen elkartea osatzen duten sindikatu eta eragileek argi dute, ez dela soilik pentsionisten borroka, baizik eta langile guztiena.