Bizkaie!

Zeanurin astegoienean jokatu dan #Josi Bizkaiko Bertsolari Txapelketako azken kanporaketan, Imanol Uriak irabazi dau eta erabagita geratu dira zeintzuk izango diran finalaurrekoetan kantauko daben bertsolariak; Giro bikaina egon da Zeanuriko Ibarreta frontoian. 300 lagunetik gora batu ziran Zeanurin #Josi-Bizkaiko Bertsolari Txapelketako bosgarren eta azken kanporaketan. Bertsolariak, hurrengoak:

• Ander Elortegi Garatea
• Beñat Vidal Gurrutxaga
• Igor Menika Bengoetxea
• Imanol Uria Albizuri
• Joseba Barandiaran Andueza
• Xabat Galletebeitia Abaroa

Imanol Uria Albizurik lortu dau puntu gehien batzea ...

Manex Sagarna Junkerak (Igorre, 1986) Euskal Filologia eta Gizarte Hezkuntzea ikasi zituan. Bitarteetan, baina, danerik egin dau arratiarrak: irakasle, monitore, bertso-irakasle... Aspaldion bere barririk jakin barik nengoan eta benetan harritu nau zertan dabilen jakiteak.

Manex, aspaldiko ezaguna, bertsoagaz eta filologiagaz lotzen neban batez be, eta non topauko eta eskunarruak jantzita, Eibar eta Barakaldoko atezain-entrenadore. C.D. Arratian hasi eta hogeita lau urtegaz Zornotzara joan zan entrenetan. Gaur egun, hogeita hamar urte bete barik, Barakaldoko lehenengo taldeko atezainen entrenamenduak daroaz eta ...

Euskal Autonomia Erkidegoko euskaltegietako ikasle kopuruak gora egin dauela jakinarazo eben barikuan prentsaurrekoan Patxi Baztarrika Hizkuntza Politikarako sailburuordeak eta Joseba Erkizia HABEko zuzendariak. % 1,20 egin dau gora matrikulazinoak; halanda ze, danetara, 25.351 ikasle ikasle egongo dira 2014/1015 ikasturtean.

Araba, Bizkaia eta Gipuzkoako datuak bikainak dirala nabarmendu eben prentsaurrekoan, euskerea hizkuntza bizia dala eta etorkizunean indartsuagoa izango dala erakusten dabe matrikulazino datuek. 2010 eta 2013 urteen artean izandako matrikulazinoaren beheranzko joeran inflexino puntua da, euren esanetan ...

Igaz argitaratutako Les Voix Basques diskoak ezagun egin ditu Anne Etxegoien eta Baionako Aizkoa abesbatza Frantzian. 60.000 diskotik gora saldu ditue. Aurten, lehenengo lan horren bigarren zatia plazaratu dabe, eta orain, Elkar diskoetxeak disko bi horretatik aukeratutako hamahiru kantagaz Les Voix Basques. Ongi Etorri atera barri dau. Zemendiaren 14an, Donostiako Kursaalen aurkeztuko dabe zuzenean, 20:00etan.

Anne Etxegoienek sortutako lau kanta eta bederatzi pieza herrikoi ditu diskoak. Txoria txori, Haurtxo txikia, Xalbadorren heriotzean, Herriko festa, Aita Gurea, Maitia nun ...

56. Zinebi Bilboko Dokumental eta Film Laburren Nazinoarteko Jaialdiak garagarrilean kotxe istripuan hildako Alex Angulo aktorea omenduko dau, hil osteko Ohorezko Mikeldi saria emonez. Jaialdiaren amaiera ekitaldian, zemendiaren 21ean, Mayda Zabala emazteak eta Dodo alabeak jasoko dabe saria, Bilboko Arriaga antzokian. Asteon hasiko da Zinebi, barikuan.

Alex Angulo 1953an Erandion jaio zan. 1981ean, Imanol Uriberen eskutik, La fuga de Segovia pelikulan parte hartu eban. 80ko hamarkadan ETBko hainbat saiotan izan zan. Hamaikatxu filmetan parte hartu eban, tartean, El rey pasmado ...

Zentsura At! Jaialdiaren IX. edizino honetan, zemendiaren 10etik 14ra, Banda Bassotti, Benito Lertxundi eta Susheela Ramanen kontzertuak, Abuelas de la Plaza de Mayo berbaldia eta El Papus aldizkari satirikoari buruzko El Papus. Anatomía de un atentado dokumentala izango dira  Bilboko BBK Salan. Kontzertuak nahiz dokumentala eta berbaldia 20:00etan izango dira. Gaur, astelehena, 20:00etan, Estela B. de Carlottok Abuelas de la Plaza de Mayo berbaldia eskainiko dau. Sarrerea dobanekoa izango da jarlekuak bete arte.

Historian zehar, arte eszenikoetan ...

Bilboko Udaleko Gazteria, Kirol eta Euskera Sailak eta Bizkaiko Foru Aldundiko Euskerearen Zuzendaritza Nagusiak bat egin dabe barriro be Bilboko Berbagunearen hirugarren edizinoa antolatzeko, euskerearen erabilerea sustatzeko helburuagaz. Ekitaldia Alondigean izango da, zemendiaren 13an, eta 2.000 bat euskaldun batzea aurreikusita dago, hau da, aurreko edizinoan baino 400 gehiago.

Antolatzaileek azaldu dabenez, hirugarren edizino honetako erronkea, barriro be, euskerea kalera ateratea eta euskaldunek zenbait gairen ganean euskeraz berba egitea da, besteak beste, liburuei, kirolari, aisiari buruz euskeraz berba ...

Donostia Kirola erakundeak Eusko Jaurlaritzeak emoten dauen Euskerearen Kalidadearen Ziurtagiriaren Zilarrezko Bikain mailea lortu dau, urrian zehar egindako ebaluaketea gainditu ondoren, Donostiako Udalak jakinarazo dauenez.

Ziurtagiri honek, Donostia Kirolaren eguneroko jardueran euskerearen presentzia, erabilerea eta kudeaketea aztertzen ditu, bai herritar guztiei emoten deutsen kirol zerbitzuetan, bai eta bere langileen barruko lanari jagokonean be. Ebaluazino bat egin ondoren eskura daitekeen ziurtagiri ofiziala da, beraz.

Ebaluazino horretan erakundearen lau ardatz aztertzen dira: erakundearen komunikazinoa eta irudi korporatiboa (errotuluak, argibideak, webgunea); kanpo harremanak ...

Bilboko Arte Eder Museoak, Japoniar artea eta japonismoa erakusketeak izan eban harrera onaren ostean -joan dan udan 55.000 bisitari inguru izan zituan, museoko BBK aretoan hiru hilebetez ikusgai egon ostean-, japoniar arteari eskainitako areto egonkorra zabaldu dau orain jentearentzat, eraikin zaharreko 20. aretoan.

Bertan, museo bilbotarreko arduradunek jakinarazo dabenez, 89 piezako aukeraketa bat egongo da ikusgai: margolanak eta estanpak, tsuba (sablea gordetekoa), inro eta netsuke (objektuak eroateko kutxatxua eta kimonoaren gerrikotik zintzilikatzeko topea) multzo baliotsua, suzuribako (idazketarako) eta ...

Bildurra eta bildurrari aurre zelan egin, horrek dira Ana Urkizak idatzitako Mamuak (Elkar) liburuaren gai nagusiak. Ipuin luze eta laburrez osotu dau lana, eta danetan agiri dira mueta bateko eso besteko mamuak.

Alkarbizitzearen gazi-gozoak, bikoteen bakardadea, gurasoen larritasunak, gaztaroaren amaierea... Egilearen begirada zorrotzak hainbat egoeraren ingurua idatzi dau. Lehenalditik datoz mamu asko eta asko. Bizitzearen erdialdera heldu, eta denporearen espiluan begiratzen dabe protagonistek euren burua.

Hamahiru kontakizunetatik sei luzeak dira, sakontasun handiena dabenak. Suizidioa, bortxaketa bat eta umeen kontrako tratu ...