Bizkaie!

Mueta askotako irudiak batu ditu Raul Dominguez artisteak, bai formatuari bai teknikeari jagokonez. Aurten eta igaz egindako lanen aukeraketea da Bilbok Rekalde aretoko erakusketan jaso dauena. 2015eko urtarrilaren 15era arte egongo da zabalik.

Raul Dominguezek (Barakaldo, 1984) Arte Eder ikasketak egin ditu EHUn. Marrazketea lantzen dau batez be, eta natura eta ingurumenean espezializau da, halanda ze, hainbat argitalpen zientifikotan parte hartzen dau. Bestak beste, Bizkaiko Foru Aldundiaren Arte Bisualetarako Bekea (2014) eta Eusko Jaurlaritzaren Sorkuntza Artistikorako Bekea (2012) jaso ...

UEUk kudeatzen dauen Unibertsitatea.net atariak bigarren urtez antolatu dauen Txiokatu zure tesia 6 mezutan lehiaketako irabazleak jakinarazo ditue. Lehen saria Itziar Gonzalez-Diosentzat izan da, egiten dabilen euskerazko testuen sinplifikazino automatikoari buruzko tesia laburtzeagaitik, eta bigarren saria Eneko Bidegain kazetari eta irakaslearentzat izan da Lehen Mundu Gerra 'Eskualduna' astekarian tesia koplatan azaltzeagaitik. Antolatzaileek adierazo dabenez, ipinitako helburuak bete da, ekimen honegaz 46 ikertzaile euskaldun eta euren lana ezagutzera emon dira eta.

Igaz baino jente gitxiagok parte hartu badau be ...

Abenduaren 14ean, eguardiko 12:30ean, Donostiako Antzoki Zaharrean ospatuko da BertsoDerbiaren laugarren edizinoa, aurten Real Sociedad Fundazinoak antolatuta Athletic Club Fundazinoaren laguntzinoagaz.

Abenduaren 14an, domekan, Anoetan jokatuko dabe Realak eta Athleticek ligako partidua. Aurretik, barriz, eguerdiko 12:30ean Donostiako Antzoki Zaharrean bertso saioa izango da. Alkarri berbea emonda kantuan izango dira sei bertsolari Pasa hitza! lemapean: Andoni Egaña, Maialen Lujanbio eta Amets Arzallus Realaren izenean eta Jon Maia, Jone Uria eta Igor Elortza Atleticen alde.

Kirola eta kulturea buztartzeko ahalegina ...

Bilboko Arkeologia Museoak arkeologia topaketen edizino barria hartuko dau egunotan, zemendiaren 25etik abenduaren 3ra bitartean. Arkeologiaren arloan aurkeztu diran edo laster aurkeztekoak diran tesiak aurkeztuko diea. Bost berbaldi  programau ditue. Lehenengo saioan, Jose Angel Lekandak Vasconia: desde el otro lado de la frontera (siglos V-VII) berbaldia eskainiko dau.

Zemendiaren 26an, Sergio Escribanok Estudiando la vajilla de la abuela: razones, modos y conclusiones de una investigación sobre la cerámica de los siglos XII y XIV izango dau berbagai, eta 27an ...

Kaliforniako San Diego Unibersidadeko Space4-Art arte galeriak Euskal Herriko artista talde baten erakusketea inaugurauko dau abenduaren 6an: Riding to Amarillo. 2015eko urtarrilaren 7ra arte egongo da ikusgai eta honako artista honeek hartuko dabe parte, horreetako batzuk Etxepare Euskal Institutuaren babesagaz: Lehior Bilbao, Julen Agirre, Unai Requejo, Usoa Fullaondo, Iranzu Antona, Jorge Nuñez, Jon Otamendi, Damaris Pan, Lorea Alfaro eta Olatz Vilariño.

Etxepare Euskal Institutuak jakinarazo dauenez, erakusketea programa oso baten bigarren zatia izango da, San Diegoko Unibersidadeko artista batzuekaz ...

Hileko Dokumentala, Bilboko Dokumentalen eta Film Laburren Nazinoarteko Jaialdiak, ZINEBIk, urte osoan bere programazinoari jarraipena emoteko antolatu dauen estreinaldien zikloak, Rafael Molések eta Pepe Andreuk zuzendutako Five days to dance (Espainia 2014, 77 min.) filma eskainiko dau eguenean, zemendiaren 27an. Filmak sariak jaso ditu DocsBarcelonaren azken edizinoan, Zinemaldian eta DocsDF-Méxicon.

Saioa Bilboko Multicine aretoan (Jose Maria Escuza, 13) izango da, 20:00etan. Proiekzinoa amaitzean barriketaldia egongo da dokumentala aurkeztuko dauen Patricia Velert filmaren produktoreagaz. Sarrereak 3,70 euro balioko ...

Rekalde auzunean, gurasoen etxe-aurrean, hortxe aurkeztu dau Kepa Junkerak, Sorginak taldeagaz batera, Trikitixaren historia txiki bat liburu-diskoa. Musika munduan daroazan 35 urteak behar barri honegaz ospatu gura dituela esan dau aurkezpenean, lagun, ezagun eta auzokoez inguratuta. Bihar kontzertu akustikoa eskainiko dau Bilboko Elkar dendan, 18:30ean.

Hamazazpi pieza batu ditu trikitilari bilbotarrak, batzuk berak sortutakoak, eta beste batzuk aspaldikoak. Aititak eta gurasoek zabaldu eutsien musikearen mundua, eta disko honen bitartez bere eskerrona adierazo nahi izan dau. Hemen, auzo honetan ...

Euskal Autonomia Erkidegoan webgunea daben hamar langile edo gehiagoko enpresen % 47,2k euskeraz be badauka, eta lurraldeka, Gipuzkoa nabarmentzen da, portzentaje hori % 61,1ra igoten baita, Eustaten datuen arabera.

Era berean, eskualdeka, Debagoiena (% 74,8) eta Goierri (% 68,2) nabarmentzen dira webgunea euskeraz be daben mueta horretako enpresei jagokenez, eta lurraldeko ganerako eskualdeetan be % 56ren gainetik dago portzentajea.

Bizkaian, Markina-Ondarroan % 59,3 dira webgunea euskeraz be daben hamar langile edo gehiagoko enpresak, eta Gernika-Bermeon % 58,8. Arabari jagokonez, Mendialdean % 50 ...

Hirugarren urtez, hainbat euskal musikari ezagun Sortuko dira besteak emonaldian alkartuko dira zemendiaren 30an, Bilboko Arriaga antzokian. Mixel Ducau, Alex Sardui, Mikel Urdangarin eta Petti kantariak agertuko dira, besteak beste, oholtzan. Abenduaren 27an, Donostiako Kursaalen izango dira.

Euskal musikagintzearen egungo ahots nagusiak eszenatoki berean alkartuko dituan errezitaldi kolektibo bitxi eta berezia eskaini nahi dogu, azaldu dabe antolatzaileek. Joxan Goikoetxea musikagile eta produktorea arduratuko da musika-zuzendaritzeaz.

Estilo eta belaunaldi desbardinetako kantari eta musikariak batuko dira zuzenekoetan. Bilbon Alex Sardui, MIkel ...

Bernart Etxepareren Linguae Vasconum Primitiae, ezagutzen dan euskarazko lehen liburua, japonierara itzuli dabe, eta pasa dan barikutik dendatan dago eskuragarri, Etxepare Euskal Institutuaren laguntzaz. Itzultzaileak Sho Hagio eta Hiromi Yoshida izan dira, biak euskera irakasleak Japoniako unibersidadeetan.

Etxepare Institutuak jakinarazo dauenez, Sho Hagio Nagoyako Unibersidadeko irakaslea eta Tokioko Euskal Etxeko sortzaileetako bat da, eta ezaguna da euskal lurraldeagazko hartu-emonakaitik. Orain 25 urte baino gehiago hasi zan euskerea ikasten eta dagoeneko aditu bilakatu da euskal gaietan. Bere lehen ikerkuntza ardatza ...