uriola.eus

KALERA ATERA GARA

Erabiltzailearen aurpegia   Ekonomia-Lana
Irrati uhinak utzi eta kalera atera gara. Eusko Irratiak izango duen inoizko lan murrizketaren kontra Radio Euskadik 24 orduko lan uztea egin zuen, eta bina ordukoa; Euskadi irratiak eta Radio Vitoriak.

Manifestazioa plaza eliptikoan hasi genuen eguerdian, eta Arriaga plazara arteko bidea batukada eta zaratekin egin genuen. Isildu egin behar ginen, baina  ozen entzun ziren gure aldarriak. Eusko Irratiako irrati guztietako ordezkariak izan ziren bertan, eta baita ETBtik etorritako lankideak ere bai.

Tarteka dantzan, tarteka oihuka, mezu argia zabaldu genuen: irrati nazionalak bizirik iraun behar du. Hau ere, gure esku dago.

79 lanpostu gehi erretiro edota heriotzagatik bete ez diren lanpostuak suntsituko ditu EITBko zuzendaritzak. Oniritzia eman zion Administrazio Kontseiluak (EAJk, EHBilduk, LABek, Eusko Ikaskuntzak eta Euskaltzaindiak baiezkoa eman zuten. PSE-EE eta Kontsumitzaile elkarteko ordezkariek abstentziora jo zuten, eta PPk ezezkoa eman zuen).

Irrati publikoaren eredua kolokan dago; lanpostuak ere bai.

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa