Udagoiena Euskaraldia garaia bihurtu da. Aurten ez da ariketarik egingo, baina 2020ko edizioa jomugan du Deustualdeko lantaldeak. Bi berrikuntza nagusi ekarriko ditu Euskaraldia 2020k: batetik, 15 egunekoa izango da, azaroaren 20tik abenduaren 4ra arte, eta, bestetik, entitateek entitate gisa parte-hartzeko aukera izango dute. Beti lez, norbanakoek Belarriprest eta Ahobizi figuren artean aukeratu beharko dute.
Entitateen aktibazioa ariketa berriaren oinarria
Euskaraldia ariketa progresiboa da eta bigarren edizioan entitateen konpromisoan sakondu nahi du. Iaz sustatzaile moduan parte har zezaketeen eta entitate-kideak ariketara gonbidatu eta berau garatzeko baldintzak sor zitzakeen, baina datorren urtean konpromiso handiagoak hartzeko aukera izango dute, Ariguneen sorrera adibidez. Euskaraz eroso egiteko guneak barrura eta kanpora begirakoak izan daitezke eta langileei, erabiltzailei eta bezeroei euskaraz aritzeko aukerak zabaltzeko sortuko dira. Prozesua erraz-erraza da: interesa duen entitateak Deustualdeko lantaldera jo dezake ulermen diagnostikoa egiteko, horren ostean, ariguneak sortzeko baldintzak eta borondatea egonez gero, gunea sortuko luke. Amaitzeko, 2020ko arazoa heldu bitartean, Euskaraldia prestatzeko neurriak indarrean jarriko lituzke. Izen-ematea aurengo azarotik uztailera arte egongo da zabalik.
Deustualdeko lantaldea entitateak identifikatzeko laguntza eske
Edozein talde, elkarte edota erankunde sar daiteke entitateen multzoan eta Deustualdean dagoen kopurua ikusita, lantaldeak Euskaraldian parte-hartzeko interesa duten entitateak identifikatzeko laguntza eskatu du. Era berean, talde-eragilean zein laguntzaile-taldean parte-hartzera gonbidatu dute interesa duen oro. Bi astearterik behin batzen dira 19:45ean Berbaizuko lokalean.
Harremanetan jartzeko: 11eguneuskaraz@gmail.com / berbaizu@euskalnet.net
Informazio gehiago: www.euskaraldia.eus
Izen-emateak: herria (hemendik abendura arte), entitateak (2019ko azarotik 2020ko uztailera arte) eta norbanakoak (2020ko irailetik)