Gonbidatua heltzen denerako, jangela prest edukiko dut, edo ez. Mahaia janzten (eta batzen) ere badelako hizketarako tartea, izotzaldia urtzekoa. Badaezpada, gai zerrenda prestatzea daukat: politika, futbola eta erlijioa; zergatik ez?
Biok seguru sentituko gara mahaiaren jiran; bestela, jai. Hasieran, lehen egune(t)an, zail samarra izango den arren arrotza etxekotzat hartzea. Edo, asko saiatuagatik ere, baliteke inoiz ez lortzea, hau da, eroso ez egotea. Horrela balitz, ez legoke arazorik: zintzoa izan, elkartzeari utzi, eta listo. Agian, beste gonbidatzaile / gonbidatu bat da batak zein besteak behar duena, bigarren saialdia.