uriola.eus

Iralako gazteek okupatu berri duten lokala babestera joateko dei egin dute

Erabiltzailearen aurpegia   Jendartea

Larunbatean, maiatzak 19, okupatu zuten Iralako gazteek Eskurtze Plazan dagoen lokala. Gaur goizean, ordea, asanbladako kideak lanean zeudela, jabea agertu eta jarrera "bortitza" erakutsi duela ohartarazi dute. Bertaratzeko deia egin diete herritarrei.

2011az geroztik, hainbat saiakera egin dituzte Iralako gazteek lokal bat lortu ahal izateko, Bilboko Udalak gazte lokala kendu baitzien gazteei. Egoera honen aurrean, duela urtebete Irola irratiak biltzeko espazio bat eskaini zien, baina gazteek argi zuten lokal baten beharra zutela. Hori dela eta, maiatzaren 19an Eskurtze Plazan dagoen lokal bat okupatu zuten, hamabost urtez hutsik egon dena. 

Hala ere, gaur goizean lokalaren jabea azaldu dela adierazi dute gazte asanbladako kideek, jarrera "bortitza" erakutsiz eta ateko kristala apurtuz. Udaltzaingoa ailegatu eta gertatu dena azaldu diote.

Gazte asanbladako kideek azaldu dutenez, Bilboko zenbait gazte joan dira laguntzera. Horrez gain, erresistentzia txandak antolatu dituzte, herritarrei lokala babestera joateko dei eginez.

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa