“Euskal Herriko Eskubide Sozialen Karta” eta Berri-Otxoak plataformek mobilizazioa egin dute Bilboko Miribilla auzoko Lanbideren bulegoaren aurrean. Ekintza honen helburua Lanbidek azken aldian ezarritako murrizketak eta gizarte-prestazioen erabiltzaileen kriminalizazioa salatzea izan da.

Azken asteetan, hainbat ikasle eta ikasle ohi Instagram sare sozialaren bidez salaketa anonimoak plazaratu dituzte, Urretxindorra Ikastolako irakasle bati sexu-jazarpena egotziz. Gertakarien ondorioz, ikastolak irakaslea baztertu eta auzia hezkuntza sailaren esku utzi du, beharrezko ikerketak burutzeko.