Euskal Herrian Bizi dinamikaren barruan egindako ekintza izan da gaurkoa, izan ere, Ernaiko kideek azaldu dutenez, iaz 68 pertsona hil zituen prekarietateak eta 2019an bi pertsona hil dira jada.
"Gazteon bizitzak prekarietatez ezaugarritu dizkigute. Bizi baino biziraun beharrak. Izan ere, enpleguari lotutako baldintza kaxkarrez harago, ziurgabetasuna, heldulekurik eza, ezegonkortasuna eta segurtasun falta nagusitu dira gure bizitzako eremu guztietan", azaldu zuten Euskal Herrian Bizi dinamika aurkezterakoan.
Cebek patronalaren kontrako ekintzaz gain, otsailaren 16ko manifestazio nazionalerako deia egin dute, gazteek prekarietateari “ateak ixteko”.