uriola.eus

Gazte Topagunearen aurkezpen bira Bilbotik igaro da

Erabiltzailearen aurpegia   Kirolak

Apirilaren 19tik 22ra egingo dute Gazte Topagunea Lemoan, eta Aitzina eta Ernai gazte antolakundeak herrialdeetan aurkezpenak egiten ari dira. Azkena, Bilboko 7Katu gaztetxean izan da.

Aurkezpen Birako 3.geltokia izan zen Bilboko 7Katu gaztetxea eta Mugalari eta Eskean Kristoren kontzertuekin itxi zuten eguna. 

Lemoako Gazte Topagunea aurkezteko bira Gasteizen hasi zen urtarrilaren 31n. Txema Matanzasek eskaini zuen solasaldia, eta ondoren Erasoz Erantzun eta Governors taldeek dantzan jarri zuten aretoa.:  Gasteiztik Donapaulera joan ziren ondoren, eta gaztetxean egin zuten biraren saioa. Oier Oa eta Egoitz Urrutikoetxea militante ohiekin egin zuten solasaldia, eta ondotik Anita Parkerren kontzertua.

Otsailaren 5ean hitzaldi, mahai inguru eta ekitaldien aurrerapena egin zuten Ernai eta Aitzinako kideek. Aurkezpen biraren hurrengo saioa otsailaren 14an izango da Donostiako Dokan. Nau eta Hesian igoko dira oholtzara. Eta bira bukatzeko, hurrengo egunean, otsailaren 15ean, Iruñeko Totemen egingo dute azken aurkezpena. Akort eta Arkada Social izango dira kontzertua eskainiko duten taldeak

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa