Dispertsioarekin bukatzea eta iheslariak, 70 urtetik gorako presoak, gaixo larriak direnak eta zigorraren 3/4ak beteak dituztenak etxeratzea izango dira biharko mobilizazioko aldarriak. Era berean, Inam Berriozabal aske geratzea exijituko dute beste behin.
Berriozabalek 63 urte ditu; 18/98 sumarioaren baitan epaitu eta zigortu zuten; eta Pontevedrako A Lamako espetxean dago egun. Gaixotasun larri, kronikoak eta sendaezinak dituen presoa da; gaixotasun askoren ezaugarri klinikoak ditu, duela 10 urtetik, besteak beste, B hepatitisa, hipertentsio arteriala, asma bronkiala, psoriasia, zifoeskoliosi dortsala, belauneko protesia, artrosia, insomnio kronikoa eta mellitus II motako diabetesa.