LAB Sindikatuak eta Santutxuko Akelarre talde feministak elkartaratzea antolatu dute auzoko taberna baten aurrean. Bertan, tabernako langileek sexu erasoak pairatzen dituztela salatu dute. Langileek "Zuen zerbitzuengatik zenbat ordaindu behar dugu" edo "Gure proposamenak onartuz gero tabernan askoz hobeto lan egingo duzu" bezalako esaldiak euren lanaldietan entzun behar izan dituztela argitu dute.
Tabernako jabeek, ordea, Sare Sozialetan esandako guztia gezurra dela adierazi dute komunikatu batean. Horrez gain, informazio hau nondik irten den aztertuko dutela adierazi dute, eta poliziarengana joko dutela beraren kontrako salaketa ipintzera. Horrekin batera, eraso sexista guztiak gaitsezten dituztela argi utzi nahi dutela adierazi dute.