Bigarren barrutian egoera ere gutxi aldatu da. 2011ko hauteskundeetan, EAJ zuen lehen indarra 8.636 botorekin; PPk bigarrena 3.143rekin; PSEk hirugarrena 2.647rekin; Bilduk laugarrena 2.390rekin; IU+Berdeak bosgarrena 869rekin eta azkenik UPD zegoen 195ekin. Oraingoan, EAJk bere postua mantendu du 7.066 bozkarekin, PSE bigarren postura pasatu da 2.267rekin; EHBildu hirugarrenera 2.232rekin; eta PPk bi leku galdu ditu 2.071 boto eskuratuta. Udalberri (IU+Equo+Alternativa Republicana+Podemos) bosgarrenean mantendu da baina bozken gorakada nabarmenarekin, 1.427 (Podemosen babesari esker); Ganemos joan zaio atzetik 1.190ekin; jarraian Ciudadanos 594rekin eta azken postua UPDk hartu du 176rekin.
Barruti honetan ere, EAJk, PPk, PSEk eta EH Bilduk beheranzko joera izan dute, hala ere, aipatzekoa da EH Bilduk gora egin duela Castaños eta Lorurin. Bestalde, Udalberri eta Ganemosek boto asko irabazi dituzte, besteen beherakada agerian utzita eta Ciudadanosen agerpenak PPri egin dio kalte gehien bigarren postutik laugarrenera pasatuz.
* EH Bilduk helarazitako datuak, Bilboko hautes-mahaietan jasotako akten araberakoak, eta Espainiako gobernuak argitaratutako datuekin alderatutakoak.