uriola.eus

Ertzaintzak Uribarriko 'herriko tabernako' tabernariari "terrorismoa goratzea" leporatu dio

  Politika  Uribarri

Uribarriko auzokideek URIOLAri azaldutakoaren arabera, larunbat gauean, Ertzaintzaren bi furgoneta auzoko herriko tabernaren aurrean gelditu ziren, tabernaria identifikatu eta bi presoren argazkiak zituen kanpoaldeko panel bat eraman zuten.

Larunbatean, 23:00k aldera, 30 lagun inguru zeuden Uribarriko herriko tabernan auzoko inauteriak ospatzen. Ordu horretan, Ertzaintzaren bi furgoneta aurretik pasatu ziren eta auzoko bi presoren argazkiak zituen panel bati argazkiak egin zizkioten. Jarraian barrura sartu ziren eta tabernaria identifikatu ondoren, "terrorismoa goratzea leporatuko" ziotela jakinarazi zioten. Panela hartu eta alde egin zuten.

Uribarriko auzokideek azaldu bezala, "modu bortitzean sartu ziren herrikora, jendea inkrepatzen. Tentsio uneak sortu ziren".

 

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa