uriola.eus

Greba deitu dute martxoaren 4an langile sozio-komunitarioen alde

  Ekonomia-Lana  Uribarri

“Zaintza-sistema publiko, duin, doako eta unibertsalaren alde” egiteko, greba eguna antolatu du martxoaren 4an LAB sindikatuak. Ostegunean manifestazioa deitu dute 11:30ean plaza Eliptikotik Udaletxeraino. Horrekin batera, kontzentrazioa deitu du Uribarri Prest! plataforma sozialak Funiko plazan 18:30ean, sozio-komunitarioko langileekin bat egiteko asmoz.

Erantzukizuna publikoa izan arren, zerbitzu gehienak pribatizatuta edo azpikontratatuta daudela salatzen du LABek: “enpresen onura ekonomikoak onura asistentzialei gailentzen zaizkie, kasu askotan zerbitzu eskasak eskainiz, zaintza duina ezin bermatuz eta are gutxiago egoerei egokitutako zerbitzu bat”.

Hori dela eta, osteguneko greba zaintza-funtzioa aitortzeko borroka kolektiboan eta kalitatezko zaintzak jasotzeko eskubidean “inflexio-puntu bat gehiago” izan behar duela adierazi du sindikatuak.

Manifestaziora joateko zutabe bat abiatuko da Pio X plazatik goizeko 10:30ean.

 

 
 

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa