Urtarrilean sinatu zuten Bilboko Udalak, Adif-ek eta Espainiako Sustapen Ministerioak proiektu honetarako kolaborazio protokoloa; azaldutakoaren arabera, orain kontratua formalizatu dute.
Hainbat istripuren ostean auzokideek galdegindako proiektua da hau. FEVEko trenbidearen lurperaketa eta Zorrozgoiti kaleko eta BI-3742 errepidearen arteko trenbide-igarobideen desagerpena da auzokideek elkarretaratze eta mobilizazio askotan eskatutakoa. Izan ere, 21 istripu mortal eman dira Zorrotzako FEVEren igarobideetan, azkena 2017ko otsailean.