Gaur hasiko den Zapalduon Memoria Astea dinamikaren baitan Memoria Viva, Antonio J. García de Quirósen dokumentala, proiektatuko dute gaur arratsaldeko 19:00etan Erronda kaleko Bira Kultur Gunean. Proiekzioaren ostean solasaldirako tartea ere egongo da zuzendariarekin batera. Sarrera doakoa aforoa bete arte.
Euskadi Irakurketa Errazeko elkarteak, urriaren 6tik azaroaren 3ra bitartean, Fernando Morillo Grande idazlearen "Santiago Bidearen misterioa" liburua irakurtzeko saioak antolatu ditu, asteartero goizeko 11:00etatik 12:15era Bizkaiko Foru Liburutegian. Saio hauek guztiz doakoak dira eta euskara ikasten ari den edo euskaraz irakurtzeko ohiturarik ez duen jendeari zuzenduta daude batez ere. Izena emateko irakurketaerraza.gi@gmail.com helbidera idatziz edo 610 04 39 06 telefonora deituz egin daiteke. Epea urriaren 5ean, astelehena, amaituko da.