11:30ean Arriaga antzokitik abiatuta, presoen eskubideen aldeko mobilizazio ibiltaria egingo dute. Euskalduna zubiraino joango dira, eta berriz ere Arriagara itzuli. Ostean, Karmelan bazkaria egingo dute. Apirilaren 30era arte eman daiteke bazkarirako izena, Santutxuko leku hauetan: Bastertxun, Txikian, Herrikon eta Karmelan.
Otxarkoaga eta Txurdinaga izango dira aurten ere Bilboko Udalak antolatutako "Magiaren Topaketak" programaren edizio berri baterako aukeratutako agertokiak. Maiatzaren 4tik 29ra bitartean, Otxarkoagako Udaltegiak eta Txurdinagako Garai Lorategiak plazak 13 hitzordu hartuko dituzte, familia osoa gozatzeko proposamenekin. Maiatzaren 7a. 19:00etan. Otxarkoagako Udaltegia.IZARREN GALA: “EMOCIÓN”, Luis Boyano y Karla (Galizia), David Blanco (Euskadi) y Riversso (Madril). Aurkezlea: Luis BoyanoEstreinaldia. Publiko gaztea eta heldua. Emozio zirraragarrienen magia izango da gala honen haria. Publikoa gonbidatuko du galdera hauek egitera: "Nor izan nahi duzu?"; "zikoizkeriak"; "makinek pentsamendua irakurtzen digute?"; edo "mundu paraleloak daude?". David Blancok “Oye, Siri” ikuskizuna aurkeztuko du; Riverssonek “Who” proposamena aurkeztuko du; eta Luis Boyanok eta Karlak, “La Cabina de los Espíritus” aurkeztuko dute.
Maiatzaren 7an, Mizel Theret-en, Frantziako dantza garaikidearen erreferentearen, lan berriaren, "HOTZA"ren, estatu mailako estreinaldia egingo da La Fundiciónen. Theret, 80ko hamarkadan Parisen ibilbide oparoa izan ondoren, Iparraldean, Biarritzen, jarri zen bizitzen ekoizpen-lan pertsonalagoak egiteko helburuarekin. Orain, lau hamarkada jardunean egon ondoren, Bilbora itzuliko da berriz 61 urterekin, bere Trasversée konpainiarekin, “Hotza” lana antzezteko. Ikuskizun berezi honek kontenplazio barea eta gozamen patxadatsua bultzatzen du, etengabeko asaldura, zarata eta distrakzioen aurrean. Patxada, lasaitasuna eta normalean dantzan ikusten diren ez bezalako gorputzak azalduko dira agertokian bi helbururekin: bizitzako momentu guztietan dantza egitea posible dela erakustea eta, dantza akrobaziaz gain, keinuaren poesia era badela agerian uztea. “Hotza” bi soloz osatutako lana da: Theretek berak egina bata, eta Bertha Bermúdez nafarrak antzeztutakoa bestea.
Larunbatean hasi zen, eta asteazkenetik aurrera jarraituko du maiatzaren zortzira arte, igandea. Larunbata izango da egun nagusia, egun osoko programazioarekin. Txistulari eta gaiteroek hasiko dute eguna eta kontzertu ibiltariak itxiko du gaua.
Mari Carmen Fernandez Azparrenek eta Estefana Román Matesanzek Media melena izeneko erakusketa jarriko dute Aire Galerian (San Mames zeharkaleko Zollo etxartean). Maiatzaren 7an (larunbata) egingo dute inaugurazioa, eguerdiko 12:00etan. Aire Galeriaren ordutegia: asteartetik ostiralera: 17:00-19:30