Basurto Bizirik taldeak deituta, manifestazioa egingo dute "Basurtuko Ospitalearen gainbeheratzearen eta Bihotz Kirurgiaren itxieraren aurka". Ekainaren 3an izango da, 19:00etan Jesusen Bihotzetik abiatuta, eta udaletxean amaituko da.
Berbaxerka hitz-jolasari buruzko hitzaldia antolatu dute Bilbo Zaharreko Xake Espazioan, sortzaileetako bat den Marc Fonten eskutik. Amaieran, elkarren artean jokatzeko aukera egongo da, ea nork asmatzen dituen berba gehien. Noiz: ekainak 3, ostirala, 19:30ean Non: Xake Espazioan (Bilbo Zaharreko plazan)
Ana Carolina (Argentina) & Irantzu VarelaLesbiana feministen umorezko zentzugabekeria.10€ laguntza
Mari Carmen Fernandez Azparrenek eta Estefana Román Matesanzek Media melena izeneko erakusketa jarriko dute Aire Galerian (San Mames zeharkaleko Zollo etxartean). Maiatzaren 7an (larunbata) egingo dute inaugurazioa, eguerdiko 12:00etan. Aire Galeriaren ordutegia: asteartetik ostiralera: 17:00-19:30
Maiatzaren 27an hasi eta ekainaren 5ean amaituko dira Ibarrekolandako jaiak. Egitarau zabala prestatu dute, hemen ikus daitekeena.