Larunbata, urtarrilak 3

10:00

Zirikako Herri Denda

Abenduaren 15etik urtarrilaren 3ra,  Herri Dendak, Bilboko herri mugimenduen azokak hainbat gauza eskainiko ditu Zirika! Herri Gunean. Astelehenetik larunbatera egongo da irekita.

19:30

LOVESONG Pabellon 6en

Lovesong antzezlana, Pabellón 6en ekoizpen berria, Pabellón 6en egongo da abenduaren 19tik urtarrilaren 11ra, ostiraletik igandera, eta sarrerak www.pabellon6.org webgunean daude eskuragarri. Abi Morgan galestar egilearen obra hunkigarri honen emanaldia da, zeina Sandra Maturanak egokitu eta zuzendu baitu, Euskadiko bere lehen zuzendaritza-proiektuari izan den honetan.Lovesong maitasunaz eta denboraren joanaz hitz egiten duen istorio bat da. Maggie eta Billyren bizitza du istorio honek ardatz, gaztaroko pasiotik hasita, berrogei urte elkarrekin igaro ondoreneko isiltasuna islatzeraino. Maggie eta Billy aste erabakigarri baterako prestatzen ari diren bitartean, iragana eta oraina etengabe nahasten dira, eta aurrez aurre jartzen dituzte haien bertsio gazteenekin, indarrez eztanda egiten duen oroitzapenen dantza batean. Itziar Lazkanok eta Felipe Lozak protagonisten bertsio helduak antzezten dituzte, eta Kepa Alesso eta Itxaso Sánchezek, berriz, pertsonaia horien bertsio gazteak hezurmamitzen dituzte.

19:30

EL MAGO DE OZ musikala Euskalduna Jauregian

Euskalduna Jauregiak eta LETSGO-k gonbidatzen dizute familia osoarentzako abentura handi bat bizitzera abenduaren 23tik urtarrilaren 6ra: El Mago de Oz, Andrew Lloyd Webberren musikala, Tim Ricen letrarekin.  Metro-Goldwyn-Mayer-en klasikoan oinarrituta, ekoizpen berri honek ikusgarritasuna, emozioa eta tokiko talentua uztartzen ditu adin guztientzako esperientzia paregabe batean. Abenduak 23, 25, 26, 27, 28, 30, eta urtarrilak 1, 2, 3 eta 4: 19:30ean. Abenduak 24 eta 31: 12:30ean. Abenduak 27, 28, 30, eta urtarrilak 3 eta 4: 16:00retan. Abenduak 6: 19:00etan.