Zer deritzozu 10 urteren ostean Udalak konpartsei Inauterietan Kale Nagusia erabiltzeko aukera emateari?
- Irati, Errekalde: “Udalak baimena eman die konpartsei, baina baldintzak jarrita. Baldintza horiek ezin dira ontzat jo”.
- Amaia, Deustu: “Positibotzat hartu behar da Kale Nagusiaren berreskurapena, baina ez horrela, mehatxupean”.
- Ibon, Deustu: “Ondo deritzot konpartsek Bilbon geroz eta toki gehiago hartzea”.
- Niko, Prim: “Oso ondo deritzot hori baita konpartsen berezko lekua. Jai herrikoien espiritua konpartsek dutela aitortzen du horrela Udalak”.
- Galder, Uribarri: “Erakunde publiko batek Inauteriak kontrolatu nahi izatea ez da ulergarria. Inauteriak zerbait badira kontrol eza dira”.
- Itziar, Bolueta: “Bazen garaia! Ekimen herrikoiei ere eman behar zaie bere garrantzia eta bere lekua”.