Aurtengo Aste Nagusian XXIV. Bilbo Hiria Nazioarteko Sari Nagusia ospatuko da, azken bost edizioetako piroteknia irabazleek parte hartuko duten lehiaketa ikusgarria. Su artifizialak 22:45tan hasiko dira egunero eta Lehiaketa Fasea egun bikoitietan egingo da eta Erakustaldi Fasea, berriz, egun bakoitietan.
Su Artifizialen egutegia
Abuztuak 16 Eurobengale, Frantzia- Lehiaketa Fasea
Abuztuak 17 Gironina, Valentzia- Erakustaldi Fasea
Abuztuak 18 Astondoa Piroteknia, Bizkaia- Lehiaketa Fasea
Abuztuak 19 Peñarroja, Castello- Erakustaldi Fasea
Abuztuak 20 Goteborg, Suedia- Lehiaketa Fasea
Abuztuak 21 E. Martin S.L., Granada- Erakustaldi Fasea
Abuztuak 22 Martarello SRL, Italia- Lehiaketa Fasea
Abuztuak 23 Pirotecnia Igual, Bartzelona- Erakustaldi Fasea
Abuztuak 24 Pirotecnia Xaraiva, Ourense- Lehiaketa Fasea
Hiru kategoriz osatutako saria izango dugu aurten: epaimahaiaren saria, adituez osatua; jendaurrekoaren saria, herritarrek edo ekitaldira hurbiltzen den edonork bozkatuz. Parte hartzen dutenek Bilboko Udaleko Jaien sailan egingo den lehiaketa publikoan parte hartuko dute. Bost sari zozketatuko dira gehi sari berdea:
Epaimahaiaren saria
Lehiaketako epaimahaia Erakundeak izendatutako pertsona adituez osatua dago eta beraiek hartutako erabakia apelaezina izango da. Ezaugarri hauek kontuan izango dituzte: esparruaren okupatze edo betetzea, purutasuna, intentsitatea, distira eta koloreen iraunkortasuna, aniztasun kromatikoa, argitasuna, dimentsioak, diseinu eta formen perfekzioa, dotoretasuna, efektuen aniztasuna, sonoritatea, inguruarekiko konjuntzioa, originaltasuna, erritmoa eta onarpena jendaurrekoaren partetik. Azken balorazio bilera egin ondoren, epaia Aste Nagusiko azken egunean enpresa irabazleari ezagutzera emango zaio. Saria txapela eta trofeoa izango da.
Jendaurrekoaren Saria
Su artifizialen jendaurrekoaren bozkaketa abuztuaren 16an hasi eta 26an bukatuko da. Behin ikuskizuna amaituta, jendaurrekoak gau horretako su artificial ikuskizuna bozkatu ahal izango du ondorengo bi egunetako epe barruan, gaueko 00:00ak arte. Epea igaro ostean, bozkaketen zenbaketa egingo dute. Bozkatzeko modu desberdinak izango dira:
Internet bidezko botoa
Bozkatzeko, erabiltzaileak bere datu pertsonalak bete beharko ditu webgunean (Izena, Abizenak, NAN eta teléfono zenbakia). Ezin izango du NAN berarekin piroteknia-enpresa berdina bozkatu. “On line” bozkaketak piroteknia-jaurtiketa bakoitzeko 48 ordu igaro ostean botoa ematen ahalbidetzen du.
Mugikor aplikazio bidezko botoa
Bilbao Aste Nagusia 2014 mugikor app bidez bozkaketa SUAK sailetik zuzenean eta doan egiten da. Gustokoa duzuen piroteknia-enpresa aukeratzea besterik ez da egin behar eta nahi den puntuazioa eman (1etik 10era). Ondoren, “Piroteknia bozkatu” sakatu. App bidezko bozkaketak asteko edozein egunetan egin ahal izango dira, zabalik egongo den epe barruan eta piroteknia bakoitzeko behin bakarrik bozkatu ahal izango da.
SMS bidezko botoa
SMS mezu bidez bozkatu ahal izateko, SUA idatzi beharko da (hutsunea) eta azken su artizial ikuskizunaren puntuazioa (1etik 10era). Mezua 215800 zenbakira bidali. Mugikorraren bidezko bozkaketa batetik hamarrera bakarrik egin ahal izango da, jaurtiketa bakoitzari nota global bat emanez. Sistema honek piroteknia-ikuskizunaren eguneroko botoak jasotzen ditu, ospatu izan den azken piroteknia-ikuskizunarena, hain zuzen ere, epe honen barruan: egun jakin horretako 22:30etatik hurrengo eguneko 22:30etara. SMS bidezko bozkaketa-epea astelehenean abuztuaren 25ean bukatuko da, 00:00etan (mezuaren kostua 0,15€ + BEZ-ekoa da).
Facebook webgune ofizialaren bidezko botoa
Bilboko Udaleko jaien eta herritarren arretarako Facebook webgunearen bidez bozkaketa egiteko, Galdera aplikazioa erabiliko da. Horren bitartez, sare sozialaren erabiltzaileek 2014ko Aste Nagusiko Erakustaldi Kategoriako Su Artifizialen piroteknia onena hautatzeko parte hartuko dute.
Kupoi bidezko botoa
“El Correo” egunkarian argitaratuko diren kupoiekin ere bozkatu ahalko da. Kupoiak hurrengo egunetan argitaratuko dira: abuztuaren 16a, 17a, 18a, 19a, 20a, 21a, 22a, 23a eta 24a.
Sari berdea
Sari berdea gutxien kutsatzen duen piroteknia-enpresak eskuratuko du. Horretarako, erabiltzen dituzten produktuen azterketa egingo da berauek erabili baino lehenago. Behin materialea erabilita, azterketa berriro egingo dute.
Erakustaldi alorrean boturik gehien jaso dituen piroteknia zuzenean pasatuko da datorren urteko nazioarteko sailera. Halaber, bozkaketan parte hartzen dutenek ondorengo sariak eskuratu ahal izango dituzte. Internet, mugikor app, SMS eta kupoi bidez bozkatu dutenentzat bost sari zozketatuko dira Bilboko Udaleko Jaien Sailean irailaren 23an eguerdiko 12:00etan egingo den lehiaketa publikoa (Venezuela Plaza, 2-5. solairua). Gainera, SMS bidez botoa eman dutenen artean zozkatuko dira. Irabazlearen izendapenerako, hautestontzi batetik hogeita hamaika irabazleen izenak aleatorioki aterako dituzte eta horietako bakoitzarentzako ordezko baten izena ere bai.
Las noches del club de la comedia
La Casillako pabilioia Aste Nagusiko egitarauari gehituko zaio, laugarren denboraldia estreinatu berri duen Las noches del club de la comedia telebista saioak umorista onenak Bilbora ekarriko ditu abuztuaren 22, 23 eta 24an. Horien artean Ana Morgade, El Monaguillo, Kike San Francisco eta Gorka Aguinagalde izango dira. Dani Rovira Ocho apellidos vascos film arrakastatsuaren protagonista izango da ikuskizuneko gonbidatu izarra. Guztira, bederatzi bakarrizketalari hartuko ditu eszenatokiak hiru saioetan. Aurreratu dutenez, horietako batean emakumeek agintaritza hartuko dute. 2.000 eta 2.500 ikusle joatea iragarri dute.
[2014-07-22] Euskal kirol eta folklorea, "Aste Nagusiko bereizgarria"
[2014/07/21] Berri Txarrak taldea Bilboko Aste Nagusiko azken orduko sorpresa
[2014/07/15] Aste Nagusiko egitaraua ezagutzera eman du Udalak
[2014-07-08] Bilbao BSR taldeari egokitu zaio Aste Nagusiko pregoi botatzea
[2014-07-07] Hau izango da 2014ko Aste Nagusia iragarriko duen kartela
[2014-07-03] Loreto Errasti izango da Aste Nagusiko txupinera